Sunday, October 24, 2010

Bookmark and Share

കുട്ടനിട്ടും പണി കിട്ടി.

കുട്ടന്‍ ഏവര്‍ക്കും സുപരിചിതന്‍, സുചരിതന്‍. മനപ്പൂര്‍വമല്ലെങ്കിലും അവിവാഹിതന്‍. പ്രായം മുപ്പതിന് മുകളില്‍ വരുമെങ്കിലും, അതംഗീകരിക്കാനുള്ള വിശാലമനസ്കതയോന്നും കുട്ടനില്ല. പ്രത്യേക ജോലിയൊന്നുമില്ലെങ്കിലും, സമയക്കുറവുമൂലം താടി വടിക്കാറില്ല, നിവൃത്തിയുണ്ടെങ്കില്‍ അലക്ക് കുളിയോടും വിട. കഞ്ചാവ് (ഗന്ജാവ്)ഒരു ബലഹീനതയാണെന്നു തെറ്റിദ്ധരിക്കരുത്, കുട്ടന് ജീവനാഡിയാണ്. സ്വസ്ഥമായിരുന്നു കഞ്ചാവ് ബീഡി ആഞ്ഞു വലിച്ചിട്ടു, ഗോളാകൃതിയില്‍ പുകയൂതി വിടുന്നതാണ്, കുട്ടന് ഏറ്റവും ആത്മ നിര്‍വൃതിയും, ആനന്ദവും ലഭിക്കുന്ന നിമിഷമെന്നാണ് കുട്ടന്റെ അവകാശവാദം.

കാര്യമിങ്ങനെയൊക്കെയാണെങ്കിലും, പണ്ടുകാലം മുതല്‍ തന്നെ, കടം കിട്ടാത്ത ഒരപൂര്‍വ മുതലാണ്‌ കഞ്ചാവ്. ഒരൊറ്റ കാരണത്തെ മനസ്സാ ശപിച്ചുകൊണ്ട്, കുട്ടന്‍ ബസ്സില്‍ "കിളി"യുടെ പണിക്കു പോകും. ചെറിയ കൂലിയും, വലിയ മനസ്സുഖവും കിട്ടുന്ന ജോലിയാണെങ്കിലും, നിത്യവും പോകാറില്ല. '
"ഇന്ന് പണിക്കു പോയില്ലേ?" എന്ന് ആരെങ്കിലും ചോദിച്ചാല്‍, "നയിച്ച്‌ തിന്നാന്‍ ആരെക്കൊണ്ടാ പറ്റാത്തെ നായേ?" എന്നൊരു മറു ചോദ്യമാവും മറുപടി. വല്ലപ്പോഴുമുള്ള ബസ്സിലെ ജോലിക്ക്, ബോണസ് എന്നപോലെ കുട്ടന് നല്ലൊരു പേര് കിട്ടി, "കണ്ടക്റ്റര്‍ കുട്ടന്‍".
കുട്ടനെ അങ്ങനെ വിളിച്ചാല്‍, പെരുത്ത് സന്തോഷം.

ഒരു സായാഹ്നത്തില്‍, കഞ്ചാവിന്റെ സമ്പൂര്‍ണ്ണ ലഹരിയും ഉള്‍ക്കൊണ്ടു കൊണ്ട്, ബസ് സ്റ്റോപ്പില്‍ പുകച്ചുരുള്‍ ഊതി രസിച്ചു നില്‍ക്കുമ്പോഴാണ്, സ്വപ്നസുന്ദരമായ കാഴ്ച കണ്ടത്. സുന്ദരിയായ ഒരു പാവാടക്കാരി യുവതി ബസ് സ്ടോപ്പിന്റെ അപ്പുറത്തെ അരികില്‍ നില്‍ക്കുന്നു. തിരിഞ്ഞും മറിഞ്ഞും നിന്ന് ആലോചിച്ചിട്ടും, എവിടെ വച്ചാണ് മുന്‍ പരിച്ചയമെന്ന് ഒരെത്തും പിടിയും കിട്ടിയില്ല. വീണ്ടും രണ്ടു പുകയും കൂടി ആഞ്ഞു വലിച്ച് ഊതിയപ്പോള്‍, ഒരു ഉള്‍വിളിയുണ്ടായി, "ഇവളാണ് എന്റെ സ്വപ്ന സുന്ദരി, ഇവളാണ് എന്റെ സങ്കല്‍പ്പത്തിലെ ഭാവി വധു. "ഇത്രയും ചിന്തിച്ചപ്പോഴേക്കും, കുട്ടന്റെ എല്ലാ നിയന്ത്രണങ്ങളും കൈ മോശം വന്നു. "അമ്പടീ കൊച്ചു കള്ളി, ഇതെന്തേ എനിക്ക് നേരത്തെ തോന്നിയില്ല?" എന്ന് മനസ്സില്‍ പറഞ്ഞ്‌ കൊണ്ട് കുട്ടന്‍ , പെണ്‍കുട്ടിയുടെ അടുത്തേക്ക് ചെന്നിട്ട്, "ഏതാടീ നീ? എന്താടീ നിന്റെ പേര് ?" എന്ന് ഈണത്തില്‍ ഒരു ചോദ്യം.

പാവം പെണ്‍കുട്ടി ശരിക്കും വിരണ്ടുപോയി. ഉത്തരം കിട്ടാന്‍ താമസിച്ചപ്പോള്‍, ശബ്ദമുയര്‍ത്തി കുട്ടന്‍ ചോദ്യം ഒന്നുകൂടി ആവര്‍ത്തിച്ചു.
"ഞാന്‍ പട്ടാളക്കാരന്‍ രാമന്‍ കുട്ടിയുടെ മകളാണ്." പെണ്‍കുട്ടി വിക്കി വിക്കിപ്പറഞ്ഞു.
"ഏതു പട്ടാളം? പെന്‍ഷന്‍ പറ്റിയ കള്ളത്താടിയോ? താടിക്കാരനാണോ നിന്റച്ചന്‍?" കുട്ടന്‍.
"ങ്ങൂം" പെണ്‍കുട്ടി മൂളി.
ഇത്രയുമായപ്പോഴേക്കും കുട്ടന് ആളെ പിടികിട്ടി.
"എന്താടീ നിന്റെ പേര്?"കുട്ടന്‍ ചോദ്യം ഒന്നുകൂടിആവര്‍ത്തിച്ചു. പാവം പെണ്‍കുട്ടി നിശബ്ദം.
"നീ ആരായാലും വേണ്ടില്ല, നിന്റെ പേരെന്തായാലും വേണ്ടില്ല, നിന്നെ ഞാന്‍ കെട്ടുകയും ചെയ്യും, നിന്റെ തന്തേടെ താടി വടിപ്പിക്കുകയും ചെയ്യും, ഇത് സത്യം!" എന്ന് പറഞ്ഞ്‌, മറുപടിക്ക് കാത്തു നില്‍ക്കാതെ കുട്ടന്‍ നടന്നകന്നു.

അന്ന് വൈകുന്നേരം, കുട്ടന്റെ വീട്ടിലേക്കുള്ള യാത്രാ മദ്ധ്യേ, ഒരു ചെറിയ പുഴ കടക്കാനുള്ള ശ്രമത്തിനിടെ, രണ്ടു പേര്‍ പുഴ കടന്നു വരുന്നത് കണ്ടു. സന്ധ്യ മയങ്ങിത്തുടങ്ങിയതിനാല്‍ ആള്‍ക്കാരെ ദൂരെ നിന്ന് മനസ്സിലായില്ല. ഇവര്‍ അടുത്തു വന്ന് കുട്ടന്റെ കഴുത്തിനു കുത്തി പ്പിടിച്ചപ്പോഴാണ്, കുട്ടന് കാര്യത്തിന്റെ ഗൌരവം ബോധ്യമായത്.
"വടിക്കടാ എന്റെ താടി" കൂട്ടത്തിലെ താടിക്കാരന്‍ അലറി.
"സുഹൃത്തേ എന്റെ കയ്യില്‍ ബ്ലെയ്ടോ ഷേവിംഗ് സെറ്റോ ഇല്ല, നമുക്ക് അടുത്ത ബാര്‍ബര്‍ ഷോപ്പിലേക്ക് പോകാം"എന്ന് കുട്ടന്‍ പറഞ്ഞ്‌ തീര്‍ന്നില്ല, പട്ടാളക്കാരന്‍ വളരെ മാന്യമായ രീതിയില്‍ ഒരു പ്രകടനം കാഴ്ച വച്ചു.
"പാവമല്ലേ വിട്ടേക്ക് " എന്ന് പറഞ്ഞ്‌ കൂടയുണ്ടായിരുന്ന ആളുടെ വക ഒരു കലാശക്കൊട്ടും കഴിഞ്ഞു അവര്‍ പോയി.

പിറ്റേ ദിവസം സന്ധ്യക്ക്‌, വഴിയരുകിലെ കലുങ്കിന്റെ മുകളില്‍, ഒരു ബീഡിയും വലിച്ച് തലേ ദിവസത്തെ വിവാഹ സല്ക്കാരത്തിന്റെ, ഓര്‍മ്മയും അയവിറക്കിക്കൊണ്ടിരിക്കുംപോള്‍, കുട്ടന്റെ മൂന്നു സുഹൃത്തുക്കള്‍ അതിലെ വന്നു.
"എന്താ കുട്ടാ, ഇന്നലെ നല്ല കോളായിരുന്നു എന്ന് കേട്ടല്ലോ?" ഒരുത്തന്‍.
"ആകാശക്കോട്ട കെട്ടുന്നതിനു അതിരു വേണ്ട കുട്ടാ, അത് പുറത്ത് പറയാമോ?" രണ്ടാമന്‍.
" പട്ടാളത്തിന്റെ മോളെ താന്‍ കെട്ടുമെന്ന് പറഞ്ഞിട്ട് ഇപ്പൊ താന്‍ ഞൊട്ടിയില്ലേ?"മൂന്നാമന്‍.
"ചങ്കില്‍ ക്കുത്തുന്നത് പറഞ്ഞാലോണ്ടല്ലോ?" എന്നും പറഞ്ഞ്‌ കുട്ടന്‍ എഴുന്നേറ്റപ്പോഴേക്കും കൂട്ടുകാര്‍ സ്ഥലം കാലിയാക്കി. അടി കിട്ടിയതിനേക്കാള്‍ കൂടുതല്‍ കുട്ടനെ വേദനിപ്പിച്ചത് അതായിരുന്നു. വീണ്ടും ഒരു കഞ്ചാവ് ബീഡിക്കു കൂടി തീ കൊടുത്ത്, കുട്ടന്‍ കലുങ്കില്‍ കിടന്നു. "ഇവര്‍ക്കിട്ടു എന്തായാലും ഒരു പണി കൊടുക്കണം" കുട്ടന്‍ തീരുമാനിച്ചുറച്ചു. കിടപ്പില്‍ അറിയാതെ ഉറങ്ങിപ്പോയി.

രാത്രി പത്ത് മണിയായപ്പോള്‍ ഉറക്കം തെളിഞ്ഞു. ഐഡിയ ഒന്നും മനസ്സില്‍ തെളിഞ്ഞില്ല. "ഏതായാലും ഓങ്ങിയതല്ലേ, ഇരിക്കട്ടെ"എന്നും വിചാരിച്ച് ഒരു ഗന്ജനെക്കൂടി വലിച്ച് കയറ്റി. പെട്ടെന്നൊരു യില്‍ ഒരു കവിള്‍ വെള്ളം ഉള്‍കൊണ്ട്, മുന്നോട്ടു നടന്നു. കൂട്ടുകാരില്‍ ഒരാള്‍ റോഡ്‌ സൈഡില്‍, റോഡിനോടു ചേര്‍ന്ന് ഒരു ചെറിയ വീട്ടിലാണ് താമസിക്കുന്നത്. വേനല്ക്കാലമായതുകൊണ്ടും, വീട്ടിലെ സൌകര്യക്കുറവു കൊണ്ടും, വരാന്തയില്‍ തറയിലാണ് അവന്‍ കിടന്നുറങ്ങിയിരുന്നത്. കുട്ടന്‍ ശബ്ദമുണ്ടാക്കാതെ വീടിന്റെ മുറ്റത്തു കയറി. കൂട്ടുകാരന്‍ നല്ല ഉറക്കമാണ്. സമയമായപ്പോഴേക്കും, കുട്ടന്റെ വായില്‍ കരുതിയിരുന്ന വെള്ളം, ശരീരത്തിന്റെ ഊഷ്മാവില്‍ ചൂടായിബോധോദയമുണ്ടായി. ഒരു ചെറു പുഞ്ചിരിയോട്‌ കൂടി കുട്ടന്‍ ചാടി എഴുന്നേറ്റു. തോട്ടിലിറങ്ങി മുഖമൊന്നു കഴുകിയിട്ട്, വാരുന്നു, ഉമിനീരും കൂടിയപ്പോള്‍, ചെറു ചൂടുള്ള ഒരു കൊഴുത്ത ദ്രാവകം. കുട്ടന്‍ പതുങ്ങി, പതുക്കെച്ചെന്നു കൂട്ടുക്കാരന്റെ കാലിന്റെ പെരുവിരലില്‍ ഒരു കടി കൊടുത്തിട്ട്, വരാന്തയുടെ അടിയിലേക്ക് കുനിഞ്ഞ്, നിശബ്ദം സ്ഥലം വിട്ടു.
പെരുവിരലില്‍ കടി കിട്ടിയവന്‍, "അയ്യോ!!"എന്നലറിക്കൊണ്ട് ചാടി എഴുന്നേറ്റു. ഇരുട്ടത്ത് കാലില്‍ തപ്പി നോക്കിയപ്പോള്‍, എന്തോ ചൂടുള്ള കൊഴുത്ത ദ്രാവകത്താല്‍ കൈ നനഞ്ഞു. മുറിവില്‍നിന്നു രക്തം വരുന്നതാനെന്നുള്ള ധാരണയില്‍, "അയ്യോ!! എന്നെ എന്തോ കടിച്ചേ!!" എന്നും പറഞ്ഞ്‌ അവന്‍ അലമുറയിട്ടു കരഞ്ഞു. അയല്‍വാസികള്‍ എല്ലാവരും ഓടിക്കൂടി. കാല്‍വിരലില്‍ വളരെ ചെറിയ ഒരു മുറിവും, ചുറ്റിലും എന്തോ ഒരു ദ്രാവകവും കണ്ടു എന്നല്ലാതെ, ആര്‍ക്കും ഒരു പിടിയും കിട്ടിയില്ല. ഏതായാലും അവരെല്ലാവരും കൂടെ രോഗിയെയും കൊണ്ട്, വിഷകാരിയുടെ അടുത്തേക്ക് പോയി. ഗുരുതരമായ പ്രശ്നമൊന്നും ഇല്ലെന്നു പറഞ്ഞ വിഷകാരി, എന്തോ ചില്ലറ മരുന്നും കൊടുത്ത് അവരെ മടക്കി വിട്ടു.

വിഷ ചികിത്സകന്റെ അടുത്ത് പോയവര്‍, തിരിച്ചു വീടിന്റെ അടുത്തെത്താനായപ്പോള്‍, വീണ്ടും അതെ പല്ലവി "അയ്യോ!! എന്നെ എന്തോ കടിച്ചേ!! രക്ഷിക്കണേ!!"എന്ന് കേട്ടു. എല്ലാവരും കൂടി ഓടി വന്നപ്പോള്‍, കാലില്‍ രക്തം ഒഴുകിക്കൊണ്ടിരിക്കുന്ന കുട്ടനെയാണ് അവര്‍ കണ്ടത്. ഉടനെ തന്നെ കുട്ടനെയും കൊണ്ട്, നേരെ വിഷ വൈദ്യന്റെ അരികിലേക്ക് അവര്‍ ഓടി.

"കടിച്ചത് ചേനത്തണ്ടനാണ്. അതുകൊണ്ട്, മുറിവുണങ്ങാന്‍ കുറച്ചു വൈകും. പഥ്യം നന്നായിട്ട് നോക്കിയില്ലെങ്കില്‍ ആളപായം സംഭവിക്കും" വൈദ്യര്‍ പറഞ്ഞു.
"എന്തൊക്കെയാണ് പഥ്യം?" കൂട്ടത്തില്‍ ആരോ ചോദിച്ചു.
"ഉപ്പും എണ്ണയും പാടെ വര്‍ജ്ജിക്കണം. മദ്യപാനം, പുകവലി എന്നിവ ഒരു കാരണവശാലും പാടില്ല. പഥ്യം തെറ്റിച്ചിട്ട് ഇങ്ങോട്ട് വരേണ്ട കാര്യവും ഉണ്ടാകില്ല." ഇതും പറഞ്ഞു, കുറച്ചു മരുന്ന് കുടിക്കുവാനും, കുറച്ചു അരച്ചിടാനും കൊടുത്ത്, അവരെ തിരിച്ചയച്ചു.

വാല്‍ക്കഷ്ണം: അതിനു ശേഷം കുട്ടനെ ആരും, കഞ്ചാവോ ബീഡിയോ വലിച്ച് കണ്ടിട്ടില്ല. വെറുതെ ഇരുന്നപ്പോള്‍ കുട്ടനിട്ടു കിട്ടിയ ഒരു പണിയേ!